өтпелер жасау

(Проделывание проходов)

әр түрлі ұрыс әрекеттері түрлеріндегі міндеттерді атқару кезінде өз әскерлерін өткізуге арналған орындарды тазарту. Жасалатын өтпелер саны ұрыс (жорық) ретіне, бөгеттер сипатына және олардан өту тәсіліне, қолда бар күштер мен құралдарға байланысты болады. Мина жарылғыш бөгеттерде Ө.ж. жару, механикалық тәсілдермен және т.б. жүзеге асырылады. Жару тәсілі реактивтік қозғалтқыштар көмегімен немесе тралы бар танкімен сүйреу арқылы ұрыстың миналанған алаңдарына берілетін ұзартылған зарядтар көмегімен оларды қопару жолымен миналарды жоюдан тұрады. Механикалық тәсіл миналарды жоюға немесе оларды белгіленген өтпелер шектерінен алып тастауға саяды. Танкіге қарсы миналанған алаңдардағы өтпелер миналы тралдар, ал жаяу әскерге қарсы миналанған алаңдардағы өтпелер танкілер мен басқа шынжыр табанды машиналарға орнатылған бульдозерлік жабдықтар арқылы немесе арнайы құрылғылар – иін темірлер қолданылып тазартылады. Үйінділердегі өтпелер жол салғыштар, инженерлік машиналар, жарылғыш заттар заряды, аспалы бульдозерлік жабдықтары бар танкілер арқылы жасалады.